Kreu i ASH-së Arben Taravari, pas kuvendit të partisë deklaroi se do të luftoj deri në atomin e fundit që të mbijetoj koalicioni VLEN. Sipas tij është e rëndësishme që në zgjedhjet e ardhshme të fitoj koalicioni VLEN sepse me këtë siç u shpreh dhe vetë Taravari, me këtë fiton edhe ASH-ja.

“Ne duam që sa më shpejtë të zgjidhet ky ngërç, por duam zgjidhje motivuese. Ne jemi pjesë e qeverisë, vazhdojmë të japim kontributin tonë, në rast se dikush mendon që nuk e kemi vendin atje, kjo nuk paraqet problem për ne. Ne edhe me Mickoskin kemi raporte të shkëlqyeshme”, u shpreh Taravari.