Presidenti Donald Trump deklaruar se SHBA-të mund të mos bien dakord për një marrëveshje nëse vendet arabe nuk normalizojnë marrëdhëniet me Izraelin
Trump gjithashtu përsëriti kërkesat e tij të mëparshme se fqinjët arabë të Iranit duhet t’i bashkohen Marrëveshjeve të Abrahamit. Marrëveshja normalizoi marrëdhëniet midis nënshkruesve arabë dhe Izraelit dhe u arrit gjatë mandatit të parë të Trump.
“Do të ishte historike nëse vendet që nuk janë regjistruar ende do të bashkoheshin, ata na e kanë borxh këtë”, tha Trump.
I dërguari i tij, Steve Witkoff, theksoi se ai po e “nxit” këtë çështje në bisedime me të gjitha palët.
Trump ndërhyn, duke thënë se nëse vendet arabe nuk bien dakord, SHBA-ja duhet të tërhiqet nga marrëveshja.
“Nuk jam i sigurt nëse duhet ta bëjmë marrëveshjen, nëse ata nuk e nënshkruajnë”, tha Trump.
Megjithatë, ai refuzon të konfirmojë nëse marrëveshja me Iranin do të varet nga vendet e tjera që do t’i bashkohen Marrëveshjeve të Abrahamit.
Deri më tani, vetëm Emiratet e Bashkuara Arabe, Bahreini, Maroku dhe Sudani e kanë nënshkruar marrëveshjen.
Fqinjët e Iranit janë prekur veçanërisht keq nga lufta, pasi Teherani i ka shënjestruar ata me sulme hakmarrëse për të rritur presionin mbi SHBA-në dhe Izraelin. Nga an tjetër udhëheqësi suprem iranian u ka bërë thirrje vazhdimisht vendeve arabe që të mbyllin bazat ushtarake amerikane në territorin e tyre.
