Donald Trump ka thënë se “të gjithë duhet të evakuohen menjëherë nga Teherani!” disa orë pasi Izraeli lëshoi një urdhër evakuimi për banorët e një pjese të madhe të Teheranit të hënën.
“Irani duhet ta kishte nënshkruar “marrëveshjen” që u thashë ta nënshkruanin. Çfarë turpi dhe humbje jete njerëzore. Thënë thjesht, Irani nuk mund të ketë një armë bërthamore. E kam thënë vazhdimisht! Të gjithë duhet të evakuohen menjëherë nga Teherani!”, tha presidenti amerikan në një postim në platformën e tij të mediave sociale Truth Social.
Ëashingtoni dhe Teherani kishin qenë në mes të negociatave bërthamore kur Izraeli nisi sulmin e tij tronditës ndaj Iranit të premten.
Teherani ka një popullsi prej rreth 9 milionë banorësh dhe aktualisht është pak pas orës 4 të mëngjesit.
Orë para komenteve të Trump, forcat izraelite kishin lëshuar një urdhër evakuimi për banorët e një pjese të madhe të Teheranit, duke i paralajmëruar ata për bombardimin e afërt të “infrastrukturës ushtarake” në zonë në një postim në mediat sociale shumë të ngjashëm me ato që u drejtohen rregullisht palestinezëve në Gaza gjatë 20 muajve të fundit.
Postimi në X ishte nga llogaria e zëdhënësit të arabishtes së Forcave të Mbrojtjes së Izraelit, Kolonel Avichay Adraee.
Është një shenjë e mëtejshme e natyrës në zhvillim të fushatës izraelite kundër Iranit, e cila filloi me sulme ndaj mbrojtjes ajrore, centraleve bërthamore dhe zinxhirit të komandës ushtarake, por duket se është zhvendosur drejt një lufte rraskapitëse të përqendruar në industrinë e naftës dhe gazit të Iranit dhe në kryeqytet.
