Presidenti amerikan Donald Trump thotë se Irani “nuk ka zgjidhje tjetër përveçse të dërgojë” delegatë në Pakistan për bisedime me Shtetet e Bashkuara.
Në një intervistë për CNBC, presidenti shprehet se është i bindur që SHBA-ja “do të përfundojë me një marrëveshje shumë të mirë”.
Ai thotë se SHBA-ja “nuk po merret me njerëzit më të mirë”, por se po e bën këtë “me sukses”, ndërsa bllokadën detare amerikane e cilëson si një “sukses të jashtëzakonshëm”.
I pyetur nëse do ta zgjaste armëpushimin nëse negociatat do të përparonin, presidenti amerikan përgjigjet: “Nuk dua ta bëj këtë”.
Trump më pas shton: “Pres që të ketë bombardime, sepse kjo do të ishte një qasje më e mirë.”
Ai thekson se nuk ka “shumë kohë” për të arritur një marrëveshje dhe se Irani mund ta vendosë veten në “një pozitë shumë të mirë” nëse arrin një marrëveshje me SHBA-në.
