Biznesmeni i njohur kosovar Hazbi Hasani, një nga pionierët e tregtisë private në vend, ka ndërruar jetë.
Varrimi i të ndjerit do të mbahet sot në orën 15:30 në varrezat e qytetit në Arbëri (Dragodan), në Prishtinë.
Hazbi Hasani ishte pronar i kompanisë “Oaza” dhe aksionar në Prishtina Mall, një nga qendrat tregtare më të mëdha në Kosovë.
Përmes angazhimit të tij ndër vite, ai dha një kontribut të rëndësishëm në zhvillimin e sektorit të tregtisë dhe krijimin e vendeve të reja të punës.
I ndjeri Hasani njihej si një nga tregtarët e parë që hapi tregje private në Kosovë para luftës, duke qenë pjesë e gjeneratës së parë të sipërmarrësve që hodhën themelet e biznesit privat në vend.
