Akademia shqiptare është ekskluzivisht projekt shkencor që duhet të avancohet mendimi akademik. Ky ishte reagimi i koalicionit VLEN ndaj qëndrimit të partive të tjera politike, shkruan Alsat.

Nga koalicioni VLEN thonë se i mbështesin intelektualët shqiptarë pasi sistematikisht janë diskriminuar nga ASHAM.

“Në shekullin 21 është e papranueshme që të ketë kundërshtime ndaj punimeve shkencore dhe avancimit të diturive. U bëjmë thirrje të gjitha partive politike që në vend që të kritikojnë të marrin guximin dhe të japin mbështetje ndaj kësaj nisme, në mënyrë që përmes një debati gjithëpërfshirës të gjendet një zgjidhje e drejtë për përfaqësimin e shqiptarëve në qarqet më të larta akademike. Si VLEN, nuk mund të pranojmë logjikën e negacionit të dyfishtë, ku ASHAM nuk hap dyert gjerë e gjatë për shqiptarët, dhe njëkohësisht problematizohet themelimi i Akademisë Shqiptare”, thuhet në komunikatën e VLEN-it./ Alsat.mk