Nga VLEN komentojnë pamjet ku shihej ish drejtori i DSK-së, Sasho Mijallkov në Monako me veturë Ferrari në vlerë të 700.000 eurove, përcjell TV21. Nga VLEN thonë se lirinë e Mijallkovit e siguroi Grubi dhe Ahmeti, ndërkaq shtojnë se me ardhjen e tyre në pushtet, “Nuk ka më politikanë që mund të pasurohen brenda natës”

“Lirinë e Sasho Mijallkovit nuk e solli babagjyshi i Vitit të Ri, por Artan Grubi, me lejen babagjyshit të Zajazit. Pra, AliAhmeti, me mashën e tij, nongrata Grubin, kanë lëvizur çdo guri që Mijallkov ta gëzojë lirinë. Sikurse krimi dhe korrupsioni që nuk njeh përkatësi etnike, ngjashëm edhe luksi nuk ka kufij etnik. Tani nëse në kampin maqedonas publikisht jetë luksoze jashtë vendit po bën Sasho Mijallkov, në kampin shqiptar brenda dhe jashtë vendit jetë luksoze po bën nipi i xhaxhait të “fortë” – Drin Ahmeti. Drin Ahmeti si duket nuk i ka për qejfi Ferrarit pasi është parë me një makinë tjetër luksoze Rolls Royce me targa të Kërçovës, e cila kap vlerën rreth 400 mijë dollarë”, thonë mes tjerash nga VLEN.