Nga të gjitha vendet e Evropës Juglindore, më shumë të rinj nga Maqedonia, 42,67% e tyre, kanë shprehur dëshirën të largohen nga vendi për shkak të standardeve të dobëta sociale, jetësore dhe ekonomike, tregon një studim nga “Fondacioni Friedrich Ebert”.
Sipas rezultateve të “Studimit për të rinjtë në Evropën Juglindore 2024”, vendi i dytë në këtë listë është Bosnja dhe Hercegovina, ku 31,18% e të rinjve do të emigronin, ndërsa në Shqipëri ky përqindje është 36,9%.
Sa i përket vendeve të tjera të rajonit, në Kroaci 21,62% e të rinjve kanë shprehur dëshirën të largohen nga vendi. Situata e ngjashme është edhe në Kosovë, ku 27,83% e të rinjve janë të pakënaqur me standardin e jetesës.
Në Serbi dhe Slloveni, 25% e të rinjve kanë shprehur dëshirën të largohen nga vendi, ndërsa në Greqi ky numër arrin në 31,26%.
Në Bullgari dhe Rumani, studimi tregoi se të rinjtë janë më pak të gatshëm të lënë vendet e tyre.
Studimi është kryer me një mostër prej 8,943 të rinjsh nga Evropa Juglindore, në moshë nga 14 deri në 29 vjeçare, dhe tregoi se 23% e tyre e shohin një pagë më të mirë si një nga arsyet kryesore për të emigruar.
67% e të anketuarve theksuan se faktorët ekonomikë dhe mundësitë luajnë një rol të rëndësishëm në migrimin e të rinjve, ndërsa për 62% e tyre, korrupsioni është problemi më i madh me të cilin do të përballen vendet e tyre në dekadën e ardhshme.
