Një arritje epokale në fushën e kirurgjisë robotike është shënuar nga Universiteti Johns Hopkins, ku për herë të parë një robot ka kryer në mënyrë autonome dhe të suksesshme një operacion të ndërlikuar për heqjen e fshikëzës së tëmthit. Roboti – i quajtur SRT-H (Hierarkia Transformuese e Robotit Kirurgjikal) – jo vetëm që e realizoi të gjithë procedurën vetë, por iu përgjigj edhe udhëzimeve me zë nga mjekët, duke dëshmuar një nivel inteligjence artificiale të jashtëzakonshëm.
Duke mësuar përmes imitimit të kirurgëve në video, roboti ishte në gjendje të kryente 17 hapa kirurgjikalë me saktësi të jashtëzakonshme, pa asnjë ndihmë njerëzore. Edhe kur u përball me sfida si ndryshimi i ngjyrës së indeve apo lëvizje të paparashikuara, roboti përshtatej në kohë reale pa bërë asnjë gabim – një performancë që ngjall admirim dhe frikë për të ardhmen e profesionit të kirurgut tradicional.
Studiuesit besojnë se ky është vetëm hapi i parë drejt një epoke të re, ku robotët autonomë do të marrin përgjegjësi të plota në sallat e operacionit. “Tani nuk është më pyetja nëse, por kur kirurgjia pa njerëz do të jetë realiteti i përditshëm”, deklaroi udhëheqësi i ekipit, Ji Woong “Brian” Kim.
