Nesër, më 11 shkurt 2026, disa fshatra të rajonit të Tetovës do të mbeten pa furnizim me energji elektrike për shkak të punimeve të planifikuara në rrjetin elektrodistributiv, përcjell tetova1
Sipas njoftimit, në periudhën prej orës 09:00 deri në 14:00 ndërprerje të planifikuar do të ketë në fshatin Jançishtë, ku pa rrymë do të mbeten objektet që ndodhen në rrugën drejt fshatit Prelubishtë.
Në të njëjtën periudhë kohore, nga ora 09:00 deri në 14:00, pa energji elektrike do të jetë edhe fshati Shemshovë, ku ndërprerja do të përfshijë objektet që ndodhen pranë shkollës.
Ndërprerje e planifikuar e energjisë do të ketë edhe në fshatin Pallaticë, po ashtu nga ora 09:00 deri në 14:00, ndërsa pa furnizim do të mbeten objektet e vendosura në rrugën drejt fshatit Trebosh.
Gjithashtu, në fshatin Shipkovicë është paralajmëruar ndërprerje në periudhën prej orës 09:30 deri në 14:30, ku pa energji elektrike do të mbeten objektet që ndodhen në hyrje të fshatit.
Nga shërbimet kompetente informojnë se bëhet fjalë për aktivitete teknike të planifikuara me qëllim përmirësimin e cilësisë dhe sigurisë së furnizimit me energji elektrike dhe apelojnë te qytetarët për mirëkuptim dhe përshtatje në kohë të obligimeve të tyre./tetova1.mk
