Sulmet e ndërmarra nga Shtetet e Bashkuara dhe Izraeli kanë goditur një nga institucionet kryesore të kërkimit shëndetësor në Iran, bëri të ditur të enjten një zyrtar qeveritar, ndërsa agjencitë e ndihmës kanë paralajmëruar për pasojat e mundshme të sulmeve ndaj objekteve mjekësore në rajon.
Sipas autoriteteve iraniane, Instituti Pasteur i Iranit është goditur në atë që u cilësua si një “sulm i drejtpërdrejtë ndaj sigurisë ndërkombëtare shëndetësore”. Deklarata u publikua në rrjetin social X nga Hossein Kermanpour, drejtues i qendrës së informacionit në Ministrinë e Shëndetësisë së Iranit.
I themeluar në vitin 1920, Instituti Pasteur konsiderohet si një nga shtyllat historike të shëndetit publik në vend dhe në rajon. Ai është institucioni më i vjetër i këtij lloji në Iran, ndërsa ka luajtur një rol pionier në zhvillimin e vaksinave dhe në kërkimet për parandalimin e sëmundjeve infektive.
Më shumë se 30 ditë bombardimesh SHBA-Izrael ndaj Iranit dhe sulmeve hakmarrëse iraniane ndaj Izraelit kanë varfëruar sistemet mjekësore dhe kanë shkatërruar lagje të tëra në Iran dhe Liban, duke vrarë mijëra njerëz në të gjithë Lindjen e Mesme.
