Ministri i Shëndetësisë Azir Aliu, së bashku me deputetin Ilir Demiri dhe drejtorin e Klinikës Infektive Fadil Cana, zhvilluan një darkë pune të këndshme dhe konstruktive me zëvendësministren e Shëndetësisë së Shqipërisë, Denada Seferi.
Gjatë takimit u diskutua për mundësitë që ofron programi EU4Health, për projektet që lidhen me digjitalizimin në shëndetësi, si dhe për iniciativa të mundshme ndërkombëtare përmes të cilave të dy vendet mund të avancojnë bashkëpunimin në këtë fushë.
