Ankesa të shumta të qytetarëve për koston prej 200 denarëve të qasjes në rrjetin e energjisë elektrike bëri që Komisioni rregullator energjetik të del me sqarime të reja. Faturat e rrymës nga janari e tutje kanë një shtesë e cila në nivel vjetor përllogaritet me 2.400 denarë, por sipas KRRE kjo është bërë për shpërndarja e kompensimit që të mos rritet çmimi për bllok tarifën e parë për 9%, dhe tarifën e lirë për 14%. Kreu i këtij komisioni Marko Bislimovski tha se nuk ka ekstra profit për kompanitë prodhuese dhe shpërndarëse të energjisë elektrike, por nuk ka as kosto shtesë në fatura. Sipas tij vetëm se është aplikuar një mënyrë e re shpërndarjes së shpenzimeve që qasjen ta paguajnë edhe ata që kanë në posedim dy tri shtëpi të pashfrytëzuara, të cilat deri më tani janë taksuar tek ata që kanë qenë aktiv.
“Transmisioni i rrymës pa koston e 200 denarëve do të rritej për 25,59%, në bazë të së cilës çmimi i energjisë elektrike në bllok tarifën e parë do të shtrenjtohej për 9,03%, çmimi i bllok tarifës së dytë do të shtrenjtohej 7,78%, çmimi i bllok tarifës së tretë do të rritej për 6,4%, çmimi i tarifës së katër do të rritej për 3%, ndërsa çmimi i tarifës së lirë do të shtrenjtohej për 14,53%”, tha Marko Bislimovski, Kryetar i Komisionit rregullator energjetik.
Sipas të dhënave të KRRE-së në vitin 2023 është ulur shpenzimi i përgjithshëm i energjisë elektrike për 10% në krahasim me një vit më parë. Kjo i referohet vendosjes së fotovoltaikëve, amvisëri dhe firma të cilat përmes paneleve diellore prodhojnë energji elektrike dhe nëse do të taksohej sipas metodës së vjetër rëndesa e pagesave shtesë do të binte tek qytetarët e thjeshtë. Bislimovski tha se 18% ishte konsumi i përgjithshëm i rrymës në periudhën e tarifës së lirë, që sjell kursime për amvisëritë.
“Vendosja e fotovoltaikëve nëpër kulme të shtëpive ka ulur shpenzimin e energjisë elektrike. Ato amvisëri që nuk mund të vendosin fotovoltaik, përse duhet të paguajnë qasjen në rrjet për ata që kanë vendosur fotovoltaikë. Në atë mënyrë do të godasim te kategoritë më të prekura të konsumatorëve në vend”, shtoi Marko Bislimovski, Kryetar i Komisionit rregullator energjetik.
Ndërkaq energjia elektrike që prodhohet në hidrocentrale përmes djegies së thëngjillit, i cili eksportohet nuk mund të ulë çmimin nën 57 euro për mw/h sipas marrëveshjes paraprake për furnizuesin universal./Adnan Qaili-Alsat
