Një 74-vjeçar nga Reçica e Madhe ka pësuar lëndime të rënda trupore pasi ka rënë nga traktori gjatë punës në arën e tij në Pallçisht të Poshtëm.
Sipas policisë, aksidenti ka ndodhur rreth orës 10:30, derisa i moshuari po mblidhte bar për bagëtinë. Në një moment ai ka rrëshqitur dhe ka rënë nga traktori.
I lënduari është dërguar në Spitalin Klinik të Tetovës, ndërsa ekipet e SPB Tetovë kanë kryer këqyrjen e vendit të ngjarjes.
