Drejtori i Qendrës për Menaxhim me Kriza, Muhamed Ali, ka publikuar fotografi që shfaqin betejën e zjarrfikësve me flakët mbi fshatin Bojanë. Në ndihmë kamë ardhur ekipe nga Qyteti i Shkupit dhe zjarrfikësit e Tetovës.
Postimi i plotë:
Mbi fshatin Bojan ka shpërthyer zjarr, i cili ka ardhur nga drejtimi i Jegunovcës.
Aktualisht jam në terren, së bashku me ekipet e angazhuara për përballimin e zjarrit.
Në terren po intervenojnë katër ekipe të Brigadës së Zjarrfikësve të Qytetit të Shkupit, ndërsa si përforcim janë angazhuar edhe ekipet e zjarrfikësve nga Tetova.
Nga terreni po koordinojmë drejtpërdrejt të gjitha aktivitetet dhe kapacitetet e nevojshme për lokalizimin dhe shuarjen e zjarrit. Qendra për Menaxhim me Kriza është në koordinim të vazhdueshëm me të gjitha shërbimet dhe institucionet e angazhuara në terren.
– Muhamed Ali, Drejtor i Qendrës për Menaxhim me Kriza
