Komiteti Disiplinor i FIFA-s ka vendosur më në fund që të japë dënimet për ngjarjet e turpshme qw ndodhën pas përfundimit të finales së Kupës së Botës mes Spanjës dhe Argjentinës. Lojtarët argjentinas nisën të sulmonin ato të Spanjës dhe FIFA, pas një muaji heshtje, ka vendosur që të japë dënimet për ato skena që bënë xhiron e botës e hoqën edhe vëmendjen nga fusha e lojës.
VENDIMI
“Pas një shqyrtimi të plotë të rasteve në fjalë, Komiteti Disiplinor i FIFA-s ka vendosur sanksionet e mëposhtme për incidentet që ndodhën gjatë ndeshjeve të ndryshme të Kupës së Botës FIFA 2026:
Federata Argjentinase e Futbollit (AFA): gjoba në total prej 321000 dollarë amerikanë për shkelje të Nenit 13, paragrafi 2(c) (“përdorimi i një ngjarjeje sportive për demonstrime me natyrë jo-sportive”), Nenit 14, paragrafi 5 (sjellje e papërshtatshme nga një ekip), Nenit 15 (Diskriminimi dhe abuzimi racist), për thirrje dhe gjeste diskriminuese nga tifozët e saj, dhe Nenit 17 (Rendi dhe Siguria e Ndeshjes) të Kodit Disiplinor të FIFA-s (FDC).
Për më tepër, duke pasur parasysh dispozitat që lidhen me shkeljen e Nenit 15 të Kodit Disiplinor të FIFA-s, Federata Argjentinase e Futbollit (AFA) është urdhëruar të luajë dy ndeshjet e saj të ardhshme në shtëpi me kapacitet spektatorësh të kufizuar në 50%.
Komiteti Disiplinor i FIFA-s ka vendosur gjithashtu si më poshtë:
- 100000 dollarë amerikanë nga gjoba prej 321000 dollarësh amerikanë duhet të investohen në një plan për të luftuar diskriminimin;
- zbatimi i një pjese të sanksionit (një ndeshje dhe 100000 dollarë amerikanë të gjobës) pezullohet dhe vendoset një periudhë prove.
Për më tepër, pasi inspektori i Disiplinës dhe Etikës paraqiti raportin mbi incidentet që ndodhën gjatë finales së Kupës së Botës FIFA 2026 midis Spanjës dhe Argjentinës në stadium më 19 korrik, Komisioni Disiplinor i FIFA-s ka vendosur sanksionet e listuara më poshtë.
Leandro Paredes (lojtar): pezullim prej dhjetë ndeshjesh dhe një gjobë prej 90000 dollarësh amerikanë.
Nahuel Molina (lojtar): pezullim prej shtatë ndeshjesh dhe një gjobë prej 90000 dollarësh amerikanë.
Tiago Almada (lojtar): pezullim prej një ndeshjesh dhe një gjobë prej 30000 dollarësh amerikanë.
Roberto Ajala (anëtar i stafit teknik): pezullim për tre ndeshje dhe gjobë prej 30000 dollarësh amerikanë.
Pablo Martín Páez Gavira “Gavi” (lojtar): pezullim për një ndeshje dhe gjobë prej 30000 dollarësh amerikanë.
Në përputhje me nenin 69, paragrafët 2(a) dhe 3 të Kodit Disiplinor të FIFA-s, pezullimet e ndeshjeve do të transferohen në ndeshjet e ardhshme të ekipeve kombëtare përkatëse.
Vendimet e Komisionit Disiplinor të FIFA-s iu njoftuan palëve sot. Në përputhje me dispozitat përkatëse të Kodit Disiplinor të FIFA-s, keni dhjetë ditë kohë për të kërkuar një vendim të arsyetuar, i cili do të publikohet në legal.fifa.com me kërkesë. Vendimet mund të apelohen siç parashikohet në nenin 61 të Kodit Disiplinor të FIFA-s.
