Një zjarr i madh ka përfshirë një qendër tregtare në territorin e Shuto Orizarës në Shkup, ku janë djegur mbi 20 dyqane me tekstil dhe mallra të tjera.
Sipas policisë, zjarri shpërtheu më 11 shtator 2026 rreth orës 03:20. Dyqanet ishin në pronësi të S.S., i cili i kishte dhënë me qira. Zjarri u lokalizua nga Brigada Zjarrfikëse, ndërsa nuk raportohet për persona të lënduar. Po hetohen shkaqet e ngjarjes.
