Hoxha Ekrem Avdiu, ka komentuar vajzat e mbuluara që janë bërë virale në rrjetin social TikTok.

“Shyqyr Zotit, nuk është më bën ndonjë nder me i pa, shyqyr Zotit nuk po i shoh”, u shpreh Avdiu.

Avdiu i ftuar në emisionin Kosova Today, mes tjerash theksoi se a është e mbuluar apo jo, secili sipas tij, çfarë bën përfaqëson veten e tij.

“Puna e dikujt që është mbuluar ose jo e mbuluar, ose është personalitet me prapavijë fetare, secili përfaqëson vetin e tij, mbase mund ju mund të mos pajtoheni me mua se çka do të them në vijim, mirëpo edhe ne hoxhallarët nuk përfaqësojmë askënd, përveç veten tonë. Ndërsa intepretimet tona që ia bëjmë Islamit, ato pastaj janë të kushtëzuara me ekspertizë me sa jemi të përgatitur, për të argumentuar atë që themi”, thekson ai.

“Do të doja të insistoja fuqishëm, që një femër e mbuluar apo e zbuluar nëse një veprim të duhur apo të gabuar, ajo të vlerësohet si person”.