Janë vendosur tumbazët në hyrje të fshatit Xhepçisht, si pjesë e një projekti që synon përmirësimin e sigurisë në komunikacion. Ky është vetëm fillimi i realizimit të projektit, pasi në fazat e ardhshme parashihet vendosja e tumbazëve edhe në pjesë të tjera të fshatit, kudo që ato konsiderohen të nevojshme për të rritur sigurinë e këmbësorëve dhe drejtuesve të automjeteve.
Realizuesit e projektit kanë falënderuar banorët e Xhepçishtit për kontributin dhe mbështetjen e dhënë, duke theksuar se bashkëpunimi i komunitetit është kyç për realizimin e iniciativave që janë në interes të qytetarëve.
