Riaseti i BFI-së në rrjetet sociale ka nxjerë një publikim ku synon se Myftinia e Tetovës manipulon me opinionin kur nxjerrë vendimet e Gjykatës së Apelit pasi ato janë vendime me afate kohore dhe jo vendime përfundimtare.

“Të nderuar besimtarë, me postimin në faqen e platformës sociale “Facebook” – Muftinia Tetovë të një vendimi të marrë nga gjykata e Apelit – Gostivar, potencohet se është fituar lënda dhe e njëjta është e plotfuqishme!

Sqarojmë se ky vendim është marrë në bazë të masës kohore (Vremena merka) dhe nuk ka të bëjë me lëndën kryesore e cila është deponuar në Gjykatën Themelore Tetovë që Qani Nesimi – ish Muftiu të largohet nga zyrat e Muftinisë së BFI – Tetovë pasi i njëjti me vendim të marrë nga Rijaseti me datë 08.11.2023 është shkarkuar nga funksioni Mufti, dmth i është marrë autorizimi (Murasele) pa të cilën nuk mund të ushtrojë këtë funksion. Gjithashtu edhe në gjendjen faktike të Regjistrit Qendror si ushtrues detyre i Muftinisë të BFI në Tetovë evidentohet z. Selver Xhemaili! Shtuar më tej, paditë e deponuara nga Qani Nesimi në Gjykatën Administrative kundër vendimeve të Rijasetit dhe Reisit të BFI (kinse i është bërë padrejtësi) janë hedhur poshtë. Fatkeqësisht ish Muftiu Qani Nesimi mundohet të krijojë huti te besimtarët dhe opinioni i gjerë me qëllim të prolongimit të qëndrimit të tij në mënyrë të paligjshme në zyrat e Muftinisë së BFI në Tetovë!” thuhet në njoftim.

Gjykata e lartë administrative më 27.03.2024 hedh poshtë të gjitha ankesat e Qani Nesimit (përndryshe profesor i rregullt në fakultetin filozofik-UT) dhe vërteton vendimet e Rijasetit të marra më 08.11.2023.

Kështu që me vendimet Gjykatës së lartë administrative vërtetohet se:

1. Shkarkimi i Qani Nesimit (tërheqja e muraseles) është bërë në mënyrë legjitime.

2. Emërimi i Selver Xhemailit si UD Mufti i Muftinisë së Tetovës është bërë në mënyrë legjitime