LSDM është kategorikisht kundër heqjes së të dielës si ditë jopune. Nga kjo parti theksojnë se pushteti dëshiron që punëtorët t’i bëjë rob që punojnë për elitën dhe partnerët e biznesit të kryeministrit Mickoski, shkruan Alsat.

Kristina Kostovska nga LSDM thekson se përskaj ballafaqimit me pasigurinë ekonomike dhe varfërimin e vazhdrueshëm, heqja e të dielës si ditë jopunë do të nënkuptonte goditje të re për punëtorët.

“Pushteti përgatit goditje të re mbi punonjësit, heqjen e të dielës ditë jopune. Këtë projekt LSDM e futi me qëllim mundësimin e qindra mijëra punëtorëve një ditë të lirë të garantuar, të kenë më shumë kohë për veten dhe familjet e tyre. Kjo politikë u përshëndet nga qytetarët dhe punonjësit, ndërsa tani vihet në pikëpyetje nën presion të tregarëve dhe interesave te biznesit të qeverisë. Me këtë vendim, Mickoski dhe DPMNE në mënyrë direkte e nënvlerësojnë mundin e punëtorëve dhe e mohojnë rëndësinë e pushimit të tyre dhe kohën për familjet e tyre”, tha Kristina Kostova, nënkryetare e LSDM-së./ Alsat.mk