Lajme

BDI pyet: Cila ditë e javës ishte më e rënde?

Picture of Autori

Autori

Portali Tetova

February 3, 2025, 08:02

KUMTESË NGA BDI
Një javë dhune institucionale kundër shqiptarëve – shtatë ditë që do lënë pasoja për vite
Në një javë që zbuloi fytyrën e vërtetë të një pushteti që i trajton shqiptarët si të padëshiruar në shtetin e tyre, provokimet nuk u ndalën për asnjë ditë.

  1. Zëvendëskryeministri Stoilkovic, i cili më parë u vendos në krye të ministrisë përgjegjëse për Marrëveshjen e Ohrit jo për ta mbrojtur, por për t`i provokuar shqiptarët, tani merr edhe dekoratën “Vojvoda Vuk” nga një shoqatë që promovon vlerat e luftërave të viteve 1912-1918, periudhë kur shqiptarët u masakruan dhe u dëbuan nga trojet e tyre, ndërsa as maqedonasit nuk kaluan më mirë. Një provokim i pastër, një sfidë e hapur ndaj viktimave dhe historisë.
  2. Milorad Dodik, mohuesi i masakrave të Srebrenicës dhe Kosovës, u prit në Shkup me nderime të larta shtetërore dhe nga këtu lëshoi mesazhe kundër NATO-s dhe Bashkimit Evropian, duke e glorifikuar Rusinë, duke treguar se kjo qeveri nuk ka asnjë orientim perëndimor, por vetëm lidhje me forcat që i kanë sjellë tragjedi Ballkanit.
  3. Në një ditë historike për shqiptarët, 28 janari shënoi përvjetorin e emërimit të kryeministrit të parë shqiptar, por në kushte të turpshme, ku shqiptarët provokohen dhe diskriminohen si kurrë më parë.
  4. Në Kuvendin e drejtuar nga mohuesi i gjuhës shqipe, Afrim Gashi, u punësuan vetëm tre shqiptarë dhe njëzet maqedonas, me vendime që miratohen ekskluzivisht në gjuhën maqedonase.
  5. Qeveria ia hoqi statusin e personit juridik Inspektoratit të Gjuhës Shqipe, në mënyrë të paligjshme dhe me qëllimin e qartë të eliminimit të çdo mekanizmi mbrojtës të barazisë gjuhësore. Një veprim që nuk është vetëm sulm ndaj një institucioni, por ndaj të gjithë shqiptarëve.
  6. Kryeministri publikoi listën e 17 këshilltarëve të tij, ku shqiptarët janë pothuajse inekzistentë. Kjo është një dëshmi e qartë se shqiptarët nuk janë të mirëpritur në qeverisjen e tij dhe se për ta nuk ka vend në vendimmarrje.
  7. Në kufirin me Kosovën, vazhdojnë kolonat poshtëruese dhe të qëllimshme në Bllacë, një përpjekje e orkestruar për të penguar komunikimin e përditshëm mes shqiptarëve në të dy anët e kufirit.
    Dhe në përmbyllje të javës, partitë të a.q Vlen pranojnë publikisht se nuk mund të fitojnë mbështetjen e shqiptarëve dhe se e vetmja mënyrë për të mbijetuar politikisht është duke ndarë përfaqësimin me VMRO-DPMNE, për votat maqedonase dhe jo ato shqiptare.
    Ky është fundi i maskës së tyre dhe fillimi i fundit politik për një grupim që shiti interesat shqiptare për pushtet personal.
    Vetëm shtatë ditë, por dëme që do të lënë pasoja për vite.
    Një qeveri që nuk qeveris, por sundon mbi shqiptarët me arrogancë dhe diskriminim.
    Një pushtet që nuk fsheh më qëllimet e tij.
    Një javë që dëshmoi se beteja për barazi nuk ka përfunduar.

Tetova1 në Youtube

Mos e humb

IMG_3155
UEFA Champions/ Shorti i play-offit, Real Madridi – Manchester City
IMG_2744
Zyrtare: Fabrice Tamba nënshkruan me Shkëndijën e Tetovës
IMG_2170
Musa Selimi, njeriu i sukseseve të mëdha
IMG_1970
Kristiano Ronaldo, një makineri e golave që s’ka të ndalur
IMG_1558
Shqiptari i Gostivarit hedh hapat e parë si trajner në futbollin Gjerman (FOTO)

Më shumë nga kategoria

IMG_1970
Kristiano Ronaldo, një makineri e golave që s’ka të ndalur
IMG_1558
Shqiptari i Gostivarit hedh hapat e parë si trajner në futbollin Gjerman (FOTO)
IMG_1237
Klube të mirënjohura synojnë transferimin e Edon Zhegrovës
IMG_1188
Enis Bardhi largohet nga Trabzonspori, ekipi i ndau plakatë mirënjohjeje
IMG_9346
Broja luan titullar në humbjen e Everton, Manchester City rikthehet te fitorja
IMG_8466
Skenë e papranueshme në Tiranë, bokseri serb del në ring me këngë anti-Kosovë
IMG_8352
Masar Omeragiq zyrtarisht kryetar i ri i FFM-së: Nga nesër fillojmë me punë intensive
IMG_4661
SPB Tetovë: Vajza plagos babanë e saj teksa ai ishte në gjumë
IMG_4660
Edhe Kasami kërkon dorëheqjen e Ali Ahmetit nga politika
IMG_4658
Mexhiti: Sllovenia një partner i fuqishëm drejt avancimit tonë në BE
IMG_4657
Ibrahimi viziton Institutin e Mjekësisë të Transfuzionit, takohet me drejtorin Elezi
IMG_4656
Vrasja në Çair, paraburgim për 5 persona
IMG_4654
Kapet kamioni me 1.5 milionë euro drogë në Maqedoni, hyri nga Kosova