Pensionistët që protestuan për rritje lineare të pensioneve në konferencën për media në Shtip kërkuan udhëheqësi të re në Lidhjen e pensionistëve, ndërsa institucionet publike dhe Qeveria të prononcohen çfarë rritje të pensioneve do të kenë nga 1 shtatori, nëse është rritje lineare apo në përqindje, përcjell TV21. Theksuan se udhëheqja e re do të zgjidhet në mënyrë demokratike, me zgjedhje në Shoqatat e pensionistëve dhe nuk do të mbahen vetëm nga Shkup, por edhe nga qytetet e tjera. U premtua se edhe udhëheqja e re do ta rrisë kompensimin për pensionist që ndërron jetë, që i paguhet familjes në vlerë prej 35000-50000 denarë.