Projektet kapitale/infrastrukturore të premtuara por të parealizuara apo të zvarritura në dy dekadat e qeverisjes nëpër rajonet shqiptare:
Ridvan Ismaili
1.TEATRI SHQIPTAR SHKUP (rikonstruim)- Rikonstruimi i teatrit shqiptar filloi në vitin 2014, ndërsa mbaroi në vitin 2021 (7 vite pritje);
2.NDËRTIMI I OBJEKTIT TË TEATRIT DHE TË BIBLIOTEKËS SË TETOVËS-premtohet 13 vite, ka filluar të ndërtohet para 10 viteve (në vitin 2014 u vu gurthemeli) dhe sipas ministrisë së Kulturës pritet të lëshohet në përdorim gjatë vitit 2027;
3.RRUGA KËRÇOVË-OHËR- ka filluar nga viti 2014 (57km) shifra e kostos ka arrit në 500 milion euro, akoma as gjymsa e projektit nuk është realizuar;
4.RRUGA SHKUP-BLLACË-Me 16 janar të vitit 2020 është nënshkruar kontrata për ndërtimin e 2 km të para të rrugës Shkup – Bllacë, për 2 km rrugë harxhohen 30 milion euro dhe kalojnë 4 vite dhe ende rruga nuk është përfunduar;
5.ZONA INDUSTRIALE- TETOVË- Pas premtimeve pompoze për punësimet e shumta që do të bëhen në zonën industriale në Tetovë, që prej vitit 2007, pothuajse nuk ka asgjë konkrete. Hudhja e gurthemelit të para 2 viteve për prodhimin e automjeteve elektrike mbeti në letër;
6.ZONA EKONOMIKE LIKOVË- zonën ekonomike në Komunën e Likovës e premtuar në vitin 2016, dhe premtimin e mori era;
7.MINIERA E LLOJANIT- lënien në harresë të premtimit të vitit 2014 për rivënien në funksion të kësaj miniere. Ajo megjithatë po vazhdon ta helmon popullatën e fshatrave Vaksincë dhe Llojan;
si dhe:
8.LAPIDARI I DËSHMORËVE SLLUPÇAN- gurthemeli u vu në vitin 2003, dhe pas 20 viteve premtime të çdo cikli zgjedhor, më në fund mori formë gjatë vitit 2022.
9.KUFIRI LLOJAN-MIRATOC-Premtime për hapjen e vendkalimit kufitar Llojan Miratoc janë dhënë që nga viti 2011. Për shkak të mos’hapjes së pikes kufitare Llojan-Miratocë, banorët e kësaj zone do të duhet të udhëtojnë 40 kilometra rrugë, ndërsa distanca ndërmjet Llojanit (Maqedoni) dhe Miratocit (Preshevë) është vetëm tre kilometra rrugë. Pra, në vend së banorët të bëjnë 3 kilometra, janë të detyruar të bëjnë nga 40 kilometra rrugë;
10.KODRA E DIELLIT Në dekadën e kaluar pati më shumë premtime për ringjalljen e Kodrës së Diellit, mirëpo deri tani të gjitha mbetën vetëm në letër. Në vitin 2012, pushtetarët paralajmëruan investime në Kodrën e Diellit në vlerë prej 30 milionë euro. Së fundmi është premtuar investime në Ski-Qendrën “Kodra e Diellit” në vlerë prej 186 milion euro. Problemi me teleferikut nuk është në funksion më shumë se 20 vite. Si gjithë premtimet edhe këtë po e merr era.
