Artan Grubi nga BDI në TV21 njoftoi se nesër Fronti Europian me fillim nga ora 13:00 në Çair do të mbajë konferencë për shtyp ku do të kërkojë dorëheqjen e liderëve të VLEN. Grubi tha se do të kërkojnë nga liderët e opozitës shqiptare të tregojnë noterin ku kanë dorëzuar dorëheqjet.

Grubi da deklaruar se i kërkon dorëheqje të menjëhershme Arben Taravarit, Izet Mexhitit, Bilall Kasamit, Afrim Gashit dhe kryetarit të Zhelinës Blerim Sejdiu për humbje në shtëpi të veta, por nuk e përmendi kryetarin e komunës së Tearcës, Nuhi Neziri njëherit edhe kryetar i degës së BDI-së që humbi në komunën e vet dhe i shkaktoi BDI-së humbjen e parë në këtë komunë.

“Nga kjo studio dua të ia kërkoj dorëheqjen e menjëhershme Izet Mexhitit për humbjen spektakolare në Çair, Arben Taravarit për humbjen në shtëpinë e vet në Gostivar, Bilall Kasamit për humbjen në Tetovë, Afrim Gashit…nuk di ku ka humbur, edhe atij kryetarit të komunës së Zhelinës, Blerim Sejdiut, edhe atij, për humbjen spektakolare në Zhelinë”, tha Grubi në TV21.