Mirëmbrëma Votues të Ndryshimit, votues të VLEN-it
Në fillim të fjalës sime, më lejoni të falënderoj të gjithë qytetarët që votuan sot kandidatin tonë presidencial.

Si fillim dua të theksoj, ne jemi fituesit e votës shqiptare. BDI-ja ka blerë votat e komuniteteve dhe shtresave të rrezikuara shoqërore.

VLEN është përfaqësuesi i vetëm legjitim i shqiptarëve në këto zgjedhje dhe në qeverinë e ardhshme. BDI, edhe me këto rezultate, nuk nxjerr deputetë shqiptarë.

BDI-ja me këtë sjellje e humb legjitimitetin politik të flasë në emër të shqiptarëve.
Prandaj, në zgjedhjet e 8 majit ne do të fitojmë. Do ta përmbysim me mjete demokratike rezultatin që sot BDI e mori me metoda kriminale.
I përgëzoj votuesit dhe aktivistët e VLEN për votën dhe punën dinjitoze dhe vullnetin e shprehur lishëm, që treguan se ne jemi një opsion demokratik që vlerëson vlerat e BE-së.
E rëndësishme të kuptohet se edhe ky rezulltat po të përkthehet në mandate deputetësh është diferencë e vogël dhe me angazhimin e madh për NDRYSHIM , ne do ta kthejmë këtë situatë në fitore të VLEN
BDI arriti të shkatërrojë mundësinë që presidenti i parë shqiptar të zgjidhet tash në vitin 2024. Nëse do të donin vërtet që presidenti i shtetit të ishte shqiptar, do të ishin koordinuar me ne për të patur një kandidaturë të vetme shqiptare. Përveç kësaj, BDI do të shkruhet me shkronja të zeza në historinë e re politike si një parti që punon kundër çështjes shqiptare për hir të mbrojtjes së kriminelëve nga radhët e saj, pa hequr dorë nga të gjitha metodat kriminale.

Ia VLEJTI sot dhe do ia VLEN edhe më shumë me 8 maj!