Fëmijët mbeten më të prekur nga kolli i keq. Kështu njofton kryetari i Komisionit për Sëmundje Infektive , Aleksandar Petliçkovski i cili njofton se deri më tani, janë regjistruar gjithsej 56 raste të reja. Nga numri i përgjithshëm i rasteve, 14 janë fëmijë nën një vjeç dhe nëntë janë nga mosha 1 deri në 4 vjeç.

Për dallim nga hera e fundit kur bëmë një përmbledhje të situatës epidemiologjike, tani ka edhe adoleshentë, fëmijë nga 10 deri në 14 vjeç e lartë por me siguri në javët në vijim do të ketë një ndryshim në këtë strukturë demografike të rasteve pozitive, pra presim tek të moshuarit ta konfirmojmë më shpesh këtë sëmundje. Por dua të theksoj sërish se shqetësimi ynë më i madh si sistem shëndetësor është parandalimi i përhapjes së infeksionit tek fëmijët, tek fëmijët e vegjël, sepse fëmijët deri në një vjeç janë më të prekurit, pra më të rrezikshmit për këtë. Sëmundje” – tha Aleksandar Petliçkovski, kryetar i KSI.

Petliçkovski shtoi se për momentin vaksina për të rritur nuk ka, por se nga java e ardhshme pritet që të arrijnë.

“Vaksina për të rritur për momentin nuk ka, por jemi shumë afër ti marrim, mendoj se është çështje ditësh, sepse ka filluar procedura ka lajmërim se do të mbërrijnë shumë shpejtë dhe unë mendoj se nga fillimi i javës së ardhshme mund ti kemi këto doza. Ajo vaksinë për të rriturit është e njëjta vaksinë që rekomandohet për gratë shtatzëna”.

Siç bëri të ditur Petliçkovski tani më janë përgatitur të gjitha udhëzimet për procedura në kushte epidemike të cilat do të bëhen të ditura gjatë javëve në vijim. /tvklan.mk/