Kuvendi miratoi me 67 vota “pro”, 13 “kundër” dhe asnjë abstenim nevojën për procedurë të shkurtuar të Propozim-ligjit për ndryshimin e Ligjit për Qeverinë.
Me këtë, ligji kaloi fazën e parë parlamentare.
Me ndryshimet synohet heqja e modelit të qeverisë kalimtare (teknike) dhe krijimi i një zgjidhjeje të re ligjore.
Qeveria thotë se ligji do të sjellë më shumë stabilitet institucional dhe siguri juridike, si dhe do të ndihmojë në përmbylljen e reformave.
Gjithashtu, theksohet se ndryshimet synojnë përdorim më të përgjegjshëm të financave publike dhe forcim të funksionimit të institucioneve.
