Përfaqësues të Odës Ekonomike të Tregtarëve e cila mbulon shitore për prodhime ushqimore dhe jo ushqimore, do të takohen me ministrin e ekonomisë Besar Durmishi, për të diskutuar për propozim vendimin për vendosjen e marzhave deri në 10% në tregti me pakicë dhe shumicë. Nga Oda njoftojnë se paraprakisht janë takuar edhe me kryeministrin Hristijan Mickoski. Nga Oda Ekonomike nuk pajtohen me vendosjen e marzhës për 10% sepse siç thonë, kjo do të sillte në pikëpyetje mbijetesën e 86 kompanive tregtarë, me 790 shitore dhe 4700 të punësuar. Sa i përket çmimeve, nga Oda Ekonomike e Tregtarëve thonë se fajtor janë distributorët dhe prodhuesit, e jo marketet.

Meqenëse vendimi për vendosjen e marzhës duheshte të sillet dje, nga LSDM thonë se shtyrja e këtij vendimi e konfirmon atë që ata tanimë disa muaj e flasin, se kjo Qeveri nuk ka kapacitet të menaxhojë me sfida ekonomike. “Kryeministri i frikësuar dhe i shantazhuar, për vetëm një ditë vendosi ta shtyjë masën pasi iu kërcënuan tregtarët.

Mickoski është një qyqar politik i cili nuk ka guxim të zbatojë asgjë në interes të qytetarëve”, thonë nga LSDM. /Alsat.mk