Tregu i punës po ndryshon me hapa të shpejtë, dhe bashkë me të edhe orientimi i karrierës për maturantët. Ekspertët e karrierës dhe punësimit vijnë me një formulë të prerë për të gjithë ata që janë në udhëkryq për përzgjedhjen e degës në universitet. Sipas ekspertit Erion Muça, ata që kanë një talent të spikatur, duhet ta ndjekin atë pa hezitim.
Ndërsa për pjesën tjetër, që ende nuk e kanë gjetur veten, këshilla është që zgjedhja duhet të bëhet duke pasur parasysh kërkesën e tregut dhe pagat.
Deri më tani maturantët kanë dhënë dy provime: gjuhën e huaj dhe gjuhën shqipe e letërsinë, ndërkohë që të martën më 16 qershor do të japin provimin e matematikës. Sa u përket rezultateve, kanë dalë vetëm ato të gjuhës së huaj, ku nota mesatare është 7.6. Nga 25 mijë maturantë, 135 janë maturantë ekselentë, ndërsa 367 janë vlerësuar me notën 4.
