Zv.kryeministri i parë, Izet Mexhiti, ka pritur sot në zyrën tij, Qerim Aliun, babain e heroit të Kosovës, Mujdin Aliut, nga Poroji i Tetovës.
Mujdin Aliu, ra dëshmorë gjatë luftës së Kosharës në Kosovës, në vitin 1999.
“Takimi me babë Qerimin, babain e dëshmorit të Ushtrisë Çlirimtare të Kosovës, Mujdin Aliu, është një moment frymëzimi, sepse ai edhe sot rrezaton dashuri për kombin tonë, të cilit ia fali djalin e tij në lule të rinisë.
Është gjithmonë kënaqësi të dëgjosh këshillat e sugjerimet e babë Qerimit, sepse ato pasqyrojnë ëndërrat e brezave të tërë për një jetë në liri e mirëqenie. Mbi të gjitha, fjalët e babë Qerimit na mësojnë se si duhet atdheu.
Mbi supe, babë Qerimi mban krenarinë dhe mallëngjimin për djalin e tij, i cili tashmë është heroi ynë i përbashkët. Edhe në ketë moshë të jetës së tij, babë Qerimi vazhdon të mbetet një simbol i forcës e qendrësës, por edhe i përkujtimit se sa shtrenjtë e kemi paguar lirinë.
Çdo ditë të jetës, sot, nesër e përgjithmonë duhet të kujtojmë veprën e heroit Mujdin Aliu, djalit nga Tetova që u bë lulja e Koshares”, ka shkruar Mexhiti.
