Pas paralajmërimeve dhe spekulimeve se ish-kryeministri Nikola Gruevski mund të rikthehet në Maqedoninë e Veriut, ka reaguar edhe Izet Mexhiti, një nga liderët e koalicionit VLEN.
Mexhiti u shpreh se përgjegjësinë për Gruevskin duhet ta mbajnë ata që, sipas tij, e kanë ndihmuar më parë. “Për Gruevskin le të kujdesen ata që e kanë ndihmuar,” deklaroi Mexhiti, duke shtuar se çështja e tij është e qartë dhe duhet të trajtohet nga institucionet në përputhje me ligjin.
