Kryetari i VMRO-DPMNE, Hristijan Mickoski ia ktheu përgjigjen kreut të BDI-së, Ali Ahmeti, i cili mbrëmë nga sheshi qendror në Shkup i çoi porosi Mickoskit se të ketë kujdes se do gjejë belanë.

Ja reagimi i Mickoskit përmes një postimi:
Dje në Aerodrom dhe në Gazi Babë i bëra thirrje opozitës shqiptare të bashkohet kundër kësaj qeverie dhe shpreha synimin tim publik që menjëherë pas zgjedhjeve, që në ditën e parë, të kontaktoj me ta për bashkëpunim të përbashkët bazuar në parimet rreth të cilave ne do të bashkohemi.

Po atë ditë doli Ali Ahmeti, i cili dha një përgjigje në nervozë, më ka drejtuar sharje dhe shumë kërcënime, por duhet ta dijë se kërcënimet e tij jo vetëm që nuk më trembin, por edhe më bëjnë të qesh.

Kërcënimet vijnë nga një burrë para pensionit politik, më pak dhe i harruar, por gjithsesi me grykë të mirë, të cilën e ushtron duke kënduar në institucionet shtetërore dhe festat e partisë.

Ushqimi im i fëmijërisë ishte i rëndësishëm për Aliun, hmmm…, e çuditshme 🤔 kështu që ai përpiqet të dërgojë kërcënime me shaka. Unë do t’i përgjigjem atij! Ushqimet e mia Ali në fëmijërinë time i kanë bërë prindërit e mi me shumë dashuri dhe sakrificë për të më rritur dhe edukuar në një person që do të respektojë dhe luftojë për Maqedoninë. Por çfarë rëndësie ka? E rendesishme eshte o Ali qe ti té japësh pergjigje se me çka ke ushqyer femijët e tu, pra sot djemtë pa mjekërr që po fitojnë miliona, po blejnë Soravian, apo si e fituan ate pallat në Zajaz, që eshte si i ndonjë sheiku të Lindjes se Mesme dhe jo një politikan nga Maqedonia e varfër.

E kuptoj nervozizmin dhe panikun, sepse jeni lexuar për herë të parë dhe para humbjes. Po vjen koha për përgjigje për shumë pyetje. Ky nuk është 2001, por 2024, 23 vjet më vonë, dhe BDI e ktheve në një organizatë kriminale nga e cila vuajnë shqiptarët dhe maqedonasit. Shumë shpejt, nga sot, gurabitë dhe qumështi do të jenë për ju…”