Çmimet e naftës në tregjet botërore kanë rënë nën 90 dollarë për fuçi, pasi presidenti amerikan Donald Trump deklaroi se lufta me Iran është “praktikisht e përfunduar”.
Fillimisht, gjatë tregtimit të natës të dielën, çmimet e naftës u rritën ndjeshëm dhe për një moment kaluan mbi 119 dollarë për fuçi, niveli më i lartë në katër vitet e fundit, për shkak të përshkallëzimit të konfliktit mes SHBA-së dhe Iranit.
Megjithatë, pas deklaratës së Trump për median amerikane se lufta është “kryesisht e përfunduar” dhe se operacionet ushtarake kanë ecur më shpejt se sa ishte parashikuar, tregjet reaguan menjëherë dhe çmimet filluan të bien.
Sipas të dhënave të tregut, nafta Brent ra në rreth 89 dollarë për fuçi, ndërsa nafta amerikane WTI zbriti në rreth 85 dollarë për fuçi.
Tensionet në rajon kishin shkaktuar panik në tregjet energjetike, sidomos për shkak të situatës në Ngushtica e Hormuzit, një rrugë strategjike nga ku kalon rreth një e pesta e furnizimit global me naftë.
Pas rënies së çmimeve të naftës, edhe tregjet e aksioneve në SHBA u stabilizuan dhe mbyllën ditën me rritje, duke reflektuar shpresën e investitorëve për një përfundim më të shpejtë të konfliktit në Lindjen e Mesme.
