Rijat Shaqiri nga Hotla e komunës së Likovës është konfirmuar në Kuvendin e ASH si kandidat për deputet i radhitur i dyti në listën e VLEN në njësinë e dytë zgjedhore.

“Të dashur miqë, familjarë, shokë, kolegë, bashkëpartiak e bashkëmendimtar.
Ashtu siç edhe u publikua dje në rrjetet sociale por edhe përmes deklaratës për mediume, me propozim të kryetarit të Aleancës për Shqiptarët Dr. Arben Taravari, me miratim të kuvendit të partisë, si dhe me mbështjetje maksimale nga strukturat lokale, unë u kandidova si kandidat për deputet në zonën numër dy, i dyti në listën e koalicionit VLEN.

Padyshim se kjo për mua përpos që paraqet një nderë dhe privilegj për ti shërbyer në mënyrë të drejtëpërdrejtë kauzës për ndryshim, gjithashtu këtë garë e konsideroj si një mision të cilin do të duhet së bashku me ju ta kryejmë me dinjitet dhe ndershmëri.
Unë nuk i përkas kategorisë së politikanëve që premtojnë shumë, por për një gjë ua jap fjalën që do të jem zëri juaj për realizimin e synimeve dhe plotsimin e kërkesave dhe halleve kolektive por edhe individuale që banorët e këtyre treva i kanë, sepse vlersoj që kanë qenë të lënë pas dore me dekada të tëra.

Njëkohësisht ju faleminderoj përzemërsisht të gjithëve për urimet e shumta që keni drejtuar në profilin tim.
Zoti ju nderoftë e së bashku dalshim faqebardhë në kauzën tonë për ndryshim”, ka shkruar Shaqiri.
Përndryshe Rijad Shaqiri ka një përvojë të gjatë në doganat e Maqedonisë, në cilësinë e një zyrtari të lartë. Ai është djali i Hysni Shaqirit, i cili në vitin 2001 e la angazhimin si deputet në Kuvendin e Maqedonisë dhe iu bashkangjit UÇK-së. /tetova1/