Maqedoni

RMV, rritje dramatike në kërkesat për pasaporta urgjente në shkurt

Autori

Autori

Portali Tetova

April 1, 2024, 09:04

Qytetarët kanë paguar mbi 13 milionë euro për lëshimin e pasaportave në procedurë urgjente në gjysmë viti, sipas analizës së BIRN, bazuar në të dhënat e marra nga Ministria e Punëve të Brendshme. Nga MPB-ja kërkuam përgjigje se sa kërkesa kanë marrë për pasaporta në muaj në procedura të rregullta dhe emergjente dhe sa prej tyre janë lëshuar nga 1 shtatori 2023, duke përfunduar me 15 mars të këtij viti, transmeton Portab.mk.

BIRN mori statistika sipas muajve vetëm për pasaportat në procedurën urgjente dhe numrin e përgjithshëm të pasaportave të lëshuara në procedurat e rregullta dhe urgjente.

Në regjistrat e sektorit të informatikës në MPB llogariten se gjatë asaj periudhe kanë pranuar gjithsej 508.932 kërkesa për pasaporta dhe janë lëshuar 411.144 pasaporta.

Shifrat tregojnë se pothuajse një e treta e totalit të kërkesave për pasaporta të pranuara janë në procedurë urgjente. Me fjalë të tjera, do të thotë se rreth 74 përqind e kërkesave të pranuara kanë qenë për lëshimin e pasaportave në procedurë të rregullt, dhe afërsisht 26 përqind në procedurë urgjente (132,948).

Nëse mesatarisht dhënia e pasaportës në procedurë urgjente kushton nga 6.200 deri në 6.400 denarë, në varësi të moshës, atëherë për pak më shumë se gjysmë viti qytetarët kanë paguar përafërsisht 13,4 milionë euro për të marrë pasaportën urgjente.

Edhe statistikat e MPB-së tregojnë se numri i kërkesave për lëshimin e pasaportave në procedurë urgjente është në rritje, pasi kaosi dhe pasiguria rreth paraqitjes së termineve për fotografi u rrit.

Më së shumti pasaporta në procedurë urgjente janë kërkuar kur të vjetrat kanë pushuar së vlefshmi në shkurt të këtij viti, 36 100. Kjo është pothuajse dyfish, krahasuar me dhjetorin dhe janarin, kur ky numër ishte rreth 20 mijë në muaj.

Kjo tendencë vazhdon, me faktin se vetëm në gjysmën e parë të muajit mars në Ministrinë e Brendshme janë pranuar 17.832 kërkesa për lëshimin e pasaportave me procedurë urgjente.

Sipas Ligjit për Dokumentet e Udhëtimit, pasaportat në procedurë të rregullt duhet të lëshohen brenda 15 ditëve nga dita e marrjes së të dhënave biometrike. Por sipas reagimeve të qytetarëve, ai afat thuajse rregullisht prishet, për shkak të numrit të madh të kërkesave dhe kapacitetit të kufizuar për lëshimin e pasaportave.

Përvojat e qytetarëve tregojnë se për të marrë pasaportën sipas procedurës së rregullt tani presin 45 ditë pune.

Lufta për të marrë një pasaportë apo letërnjoftim të ri kulmoi vitin e kaluar në dhjetor, kur qytetarët prisnin me orë të tëra në radhë në temperatura nën zero përpara stacionit të policisë “Prolet”, i cili funksiononte pa termin.

Kjo praktikë ka ndryshuar. Megjithatë, problemet me caktimin e vonuar të termineve për marrjen e të dhënave biometrike dhe pajisjen me pasaportë brenda afatit ligjor mbetën.

Dymbëdhjetë shkurti i këtij viti ishte dita e fundit që mund të dilje jashtë vendit me pasaportë me emrin e vjetër të vendit. Pas kësaj periudhe, ju mund të largoheni nga vendi me pasaportë me emrin e ri të vendit.

Në ato vende me të cilat kemi marrëveshje, kufijtë mund të kalohen me letërnjoftim.

Tetova1 në Youtube

Mos e humb

yamal 304
Historia prekëse! Çfarë fshihet pas festimit të Yamal me numrin “304”
Messi Yamal
“Fillimet e dy legjendave”, kur Messi mbante në krahë Yamal
IMG_1852
Mesut Ozil e shikoi çerekfinalen e Euro 2024 me presidentin turk Recep Tayyip Erdogan – ai ishte akuzuar në të kaluarën për miqësinë mes tyre
449458530_797077062572726_2017746085529832082_n
Ekipet me më së shumti tifozë në Euro 2024 – Shqipëria lë pas kombëtare të mëdha
449059413_1014848236674238_1554867321894721942_n
UEFA publikon fotot e tifozëve me shqiponjën “Kuq e Zi” të pikturuar në fytyrë

Më shumë nga kategoria

449458530_797077062572726_2017746085529832082_n
Ekipet me më së shumti tifozë në Euro 2024 – Shqipëria lë pas kombëtare të mëdha
449059413_1014848236674238_1554867321894721942_n
UEFA publikon fotot e tifozëve me shqiponjën “Kuq e Zi” të pikturuar në fytyrë
IMG_0794
Albion Musliu, ylli i ri që po shkëlqen te Shkëndija
spanja
Trajneri i Spanjës për duelin ndaj Shqipërisë: Do t’u jap mundësi disa prej lojtarëve që kemi në stol
IMG_0727
Euro 2024/ Shqipëria arrin të barazojë kundër Kroacisë, rezultati 2-2
Adnan-Azizi-768x463-1
Azizi: Imagjinoni deri ku shkon injoranca, hipokrizia dhe pafytyrësia e DUI-stave! Kërkojnë mbylljen e kazinove!
merko
Akuza ndaj Merkos dhe 10 personave të tjerë për krim urbanistik
-1200-630-arta-kabashi-726348369854740484565-696x3921-1-1709194693
Arta Kabashi tregon se çfarë i ka ndodhur pas ”BBV”: M’i ka ndezur …
snopce-elmi
Snopçe: Deputetët e Selës mbështetën ligjin e Artan Grubit për lojërat e fatit! (Video)
IMG_2225
Adina Osmani nga Universiteti i Tetovës, fituese e çmimit “Unaza Inxhinierike”
IMG_2223
Misi i Maqedonisë ra nga lartësia duke bë “selfi”, theu 11 brinjë

DIASPORA