Koalicioni opozitar shqiptar edhe mbrëm ka vazhduar me hapjen e shtabeve, gjithandej vendit ku jetojnë shqiptarët.

Si në vendet tjera, edhe sonte Bogovina ka qenë e stërmbushur me qytetarë, të cilët kanë ardhur për t’i shprehur mbështetje VLEN-it, në misionin e tyre për ta rrëzuar BDI-në nga pushteti dhe për të sjellë ndryshimin e shumë pritur tek shqiptarët.

Kandidati për president i VLEN-it, Arben Taravari, u shpreh se Bogovina sonte po shkëlqen nga Dritat e Ndryshimit dhe se “Mrekullisht ia VLEN”.

Taravari se në tubimin e djeshëm të BDI-së, në Gostivar, kanë qenë 52 autobusë dhe shumë furgona për ta mbushur sallën.

“Aliu mbrëmë me dostat e vet kanë ardhur në Gostivar me 52 autobusë, edhe se di sa furgona. Edhe ne e kemi mbushur sallën pa asnjë autobus, pa asnjë furgon. Këtu mund të ketë njerëz me vetura që kanë ardhur por asnjë furgon nuk ka asnjë autobus”, ka deklaruar Arben Taravari.

Taravari tha se në Pollog nuk ka dyshim ndërsa sipas tij diferenca mes VLEN-it, dhe Frontit Europian do të jetë minimum tre deputet.