Dje, kryetari i Bashkimit Demokratik për Integrim, z. Ali Ahmeti, u nderua me çmimin prestigjioz “Çelësi i Prishtinës”, dorëzuar nga Kryetari i Komunës së Prishtinës, z. Përparim Rama.
Por me këtë veprim të kryetarit të Prishtinës nuk është pajtuar kreu i ASH-së, Arben Taravari, informon portali “tetova1”.
Në një postim në facebook ai shkruan:
“Në një kohë kur ambasada amerikane e ka shpallur numrin 2 të Ali Ahmetit në Listën e Zezë si një njeri i përfshirë në afera koruptive, dhe Ahmeti vet për 22 vjet ka keqpërdorur popullin duke e varfëruar e duke pasuruar nipat dhe Njerëzit e tij , dhënia e Çelsit të Prishtinës nga Përparim Rama më duket një absurditet dhe ofendim sidomos për ne, Shqiptarët e Maqedonis”, përfundon Taravari. /tetova1/
