Lideri i Aleancës për Shqiptarët, Arben Taravari ka zbuluar më shumë detaje nga zhvillimet brenda partiake të cilat sipas tij sollën deri te ndarja aktuale.

Sipas tij, që para 4 muajsh disa njerëz u panë të jenë afruar me BDI-në.

Megjithatë Taravari nuk zbulon se cilët janë ata individë, por shtoi se janë funksionarë dhe njerëz që tashmë kanë kontrata të punës.

“S’dua të flas asgjë të keqe dhe s’mund të flas asgjë të keqe. Vetëm se këtu kemi divergjencë mendimesh. Ziadini kishte një qëndrim që bashkë e kemi diskutuar që para një viti kam thënë – që nëse shkojmë bashkë me Aliun, unë s’jam i interesuar – mund ta lë tash partinë – vazhdoni ju. Ai më ka kërkuar që të shkojmë vetë në zgjedhje dhe unë i kam thënë që të shkojmë vetë në zgjedhje. Edhe para 4 muajsh kemi diskutuar dhe qëndrimi ishte që të shkojmë vetë në zgjedhje, sepse kishte zëra, disa njerëz u afruan shumë me BDI-në.
Cilët janë disa emra?
Kryesisht funksionarë të partisë, janë 60-70% të funksionarëve, njerëz që kanë kontrata dhe frikësohen të lëvizin – nuk mendojnë si ne”, tha Taravari.

“Mendoj se besoj se ai e ka dashur ndryshimin. Pse doli kështu që me këmbëngulësi të insistoj të shkojmë vetë, të dalim keq. Nuk ka humbur Arben Taravari, kjo është puna më e vogël se Arben Taravari do të lë partinë…” – tha më tej lideri i ASh-së.