Këshilli koordinues i diasporës shqiptare, përbërë nga biznesmenë tjerë të suksesshëm në Amerikë dhe Evropë, vizitoi Komunën e Tetovës, përcjell TV21. U takuan me kreun e komunës Bilall Kasami, ndërsa u fol për bashkëpunimin dhe projektet që kanë për qëllim forcimin e lidhjeve me diasporën dhe promovimin e investimeve në Komunën e Tetovës. Kasami nuk përjashtoi mundësinë që në të ardhmen ata të bëjnë investime konkrete në Tetovë.

“Është shembulli më i mirë i shqiptarëve të suksesshëm kudo që kanë shkuar dhe kanë ruajti identitetin e tyre dhe përkatësin e tyre. Sigurisht në fillim edhe për shumë projekte të cilat na presin në të ardhmen”, tha Bilall Kasami, kryetar i komunës së Tetovës.

“Do të ketë një bashkëpunim shumë të mirë shumë të afër dhe me diasporën dhe me rrjetet e bizneseve tjera që ta shohim Tetovën të lulëzoj një ditë ashtu i si një komunë evropiane”, shtoi Lazim Destani, biznesmen.

“Me të vërtetë i thirri gjithë shqiptarët jo vetëm të vijnë e vizojnë Tetovën, sa ka përparua ky vend, se është një vend shembull për kombin tonë për shqiptarët që jetojnë këtu potë shohin dhe investojnë në Tetovë”, deklaroi Mark Gjonaj, kryetar i Këshillit koordinues të diasporës.