Një ngjarje tronditëse ka ndodhur në Zelandën e Re, ku një grua 27-vjeçare është arrestuar pasi udhëtoi me autobus duke mbajtur një vajzë dyvjeçare të mbyllur brenda një valixheje.
Sipas autoriteteve lokale, gruaja akuzohet për abuzim dhe neglizhencë ndaj një të miture.
Ngjarja u zbulua kur autobusi ndaloi në qytetin Kaiwaka, rreth 100 kilometra në veri të Auckland-it, dhe shoferi vuri re lëvizje të pazakonta brenda një valixheje.
“Kur shoferi e hapi valixhen, gjeti brenda një vajzë të vogël,” deklaroi zyrtari i policisë Simon Harrison, duke vlerësuar ndërhyrjen e shpejtë të shoferit si një veprim që mund të ketë parandaluar pasoja tragjike.
Fëmija, e cila ndodhej në gjendje të nxehtë por të qëndrueshme, është dërguar në spital për ekzaminime mjekësore. Autoritetet po hetojnë motivet dhe rrethanat e ngjarjes.
