Disa persona janë plagosur pasi një makinë hyri mes turmës në Mynih, njoftoi policia gjermane.

“Shofëri i mjetit është neutralizuar në vendngjarje; aktualisht nuk përbën më rrezik,” deklaroi policia. Autoritetet nuk kanë dhënë ende detaje për numrin e të plagosurve apo nëse veprimi ishte i qëllimshëm.

Incidenti ka ndodhur vetëm një ditë para se politikanë të nivelit të lartë nga e gjithë bota të mblidhen në qytet për Konferencën e Sigurisë së Mynihut.