Hoxhë Enis Rama ka reaguar me tone të forta pas aktgjykimit të sotëm, duke theksuar se vendimi i një gjykate nuk mund të përcaktojë të gjithë historinë e Kosovës.
“Sot një gjykatë e dha fjalën e saj. Por nuk e dha fjalën e fundit të historisë”, shkruan Rama në reagimin e tij.
Ai thotë se historia e Kosovës nuk është shkruar në sallat e gjykatave, por në burgje e dëbime, në xhami, shkolla e shtëpi të djegura, në varre dhe në sakrificën e një populli që kërkonte të jetonte i lirë në vendin e vet.
“Gjykata mund të shkruajë një aktgjykim për ushtarët e lirisë. Por nuk mund ta rishkruajë kujtesën e një populli”, shprehet ai.
Në fund, Rama e përmbyll reagimin me një qëndrim të prerë: “Jo në emrin tim!”
