Kandidati për president i Frontit Europian, Bujar Osmani, në parkun e qytetit të Shkupit prezantoi agjendën e gjelbër, duke u zotuar se po të zgjidhet president, do të punojë për shndërrimin e Maqedonisë së Veriut në një shtet të gjelbër që do të kujdeset për mjedisin, përcjell TV21. Për këtë shpalosi zgjidhjen, e cila është formimi i një bordi validimi, respektivisht vetingu dhe nuk do të nënshkruajë asnjë ligj i cili do të jetë në kundërshtim me standardet e mbrojtjes së natyrës.

“Për realizimin e kësaj agjende propozoj ngritjen e një bordi për validim e një trupi të përbërë nga ekspert vendor dhe ndërkombëtar, që do të bëjë veting të të gjitha projekteve dhe ligjeve ndaj mjedisit jetësor. Ky bord, do të shërbejë si mbrojtës i trashëgimisë sonë natyrore, duke siguruar që çdo vendim që marrim si shtet, të jetë në përputhje me parimet e qëndrueshmërisë dhe mbrojtjes së mjedisit”, tha Bujar Osmani, kandidat për president, Fronti Europian.