Niveli i lartë i korrupsionit nëpër institucione përfshi ato të arsimit janë ndër shkaqet për largimin e të rinjve nga vendi. Brezat e rinj duhet të angazhohen më shumë në luftën kundër kësaj dukurie negative, u tha në tryezën “Gjenerata e ardhshme e Ballkanit Perëndimor; Udhëheqës së luftës kundër korrupsionit”.
“Njoh shokë të cilët thonë se korrupsioni është i përhapur nëpër fakultete, profesor të cilët iu kërkojnë para studentëve apo nëpër institucione kur dëshiron që më shpejt të përfundosh punë kërkojnë ryshfet”, deklaroi Ilas Ajvazi – Pjesëmarrës në eveniment SHQ.
“Korrupsionin të rinjtë e njohin si pasojë e moshës madhore dhe kjo ndikon tek të rinjtë dhe në ardhmërinë e tyre. Dhe unë mendoj se ikja e të rinjve ndodhë edhe për këtë shkak”, u shpreh Shaban Ramadani – Pjesëmarrës në eveniment SHQ.
Sipas Albert Hanit, Sekretar i Përgjithshëm i Zyrës Rajonale të Bashkëpunimit Rinor, të rinjtë e njohin korrupsionin por mbetet vetëm si perceptim i cili nuk është i verifikuar deri në fund.
“Këto trajnime që i bëjmë mundohemi që të rinjtë të mësojnë aftësi që ta njohin korrupsionin dhe mënyrat me të cilat ato mund të eliminojnë këto gjëra të padobishme shoqërore”, deklaroi Albert Hani – Sekretar i Përgjithshëm i Zyrës Rajonale të Bashkëpunimit Rinor.
Në Indeksin Global të Perceptimit të Korrupsionit të publikuar nga Transparency International, Maqedonia e Veriut renditet e 88-ta, respektivisht me dy pikë më pak se në vitin 2023 dhe rënie prej 12 pozicionesh. /Alsat.mk
