Një sulm masiv raportohet së fundmi në Rripin e Gazës.

Siç raportojnë mediat e huaja, më shumë se 100 persona kanë mbetur të vrarë e qindra të tjerë janë plagosur, kjo pasi forcat izraelite hapën zjarr ndaj turmës. Mësohet se ata po prisnin sëbashku pranë kamionëve që lëviznin ngadalë për të marrë ndihma humanitare, që nga veshjet e deri te ushqimi.

Ndërkohë Izraeli e ka justifikuar këtë sulm duke thënë se civilë të Gazës iu afruan ushtarëve të tyre në formë kërcënuese.

Kujtojmë se që prej fillimit të luftës, atje janë vrarë plot 30 mijë e 35 persona ndërkohë që mbi 70 mijë kanë mbetur të plagosur. Ministria e Shëndetësisë së Gazës bën me dije se pjesa dërrmuese e tyre janë civilë të pafajshëm, që nuk kanë asnjë lidhje me grupet terroriste.

Nga ana tjetër Izraeli vë theksin vazhdimisht te sulmi i 7 Tetorit, i cili shkaktoi 1200 viktima./tvklan.al