Deputeti i VLEN-it, Bekim Qoku, ka reaguar lidhur me aferën e Alta Bankës, duke akuzuar BDI-në se reagimet e saj publike nuk kanë për qëllim mbrojtjen e subjektit politik, por të liderit të saj, Ali Ahmeti.
Qoku vlerëson se BDI-ja nuk po angazhohet për të mbrojtur ministrat që kanë qenë të pranishëm në mbledhjen e korrikut të vitit 2023, mes tyre Artan Grubin, Bujar Osmanin dhe Kreshnik Bekteshin, por po përpiqet të ruajë imazhin e Ali Ahmetit.
Sipas deputetit të VLEN-it, dallimi qëndron te fakti se, në rastin e Alta Bankës dhe Soravias, përfitimet nuk lidhen drejtpërdrejt me partinë, por me interesat e liderit të saj.
Ai e ka krahasuar këtë situatë me aferën e Lotarisë dhe rastet e tjera për të cilat BDI-ja është përballur me akuza, duke theksuar se nuk ka parë mobilizim të ngjashëm të militantëve të kësaj partie për ta mbrojtur Ali Ahmetin.
Lexo edheVLEN: Një kompani e lidhur me rrethin familjar të Ahmetit ka marë 5 milionë euro nga Alta Banka në Serbi, jo në Maqedoni!Qoku gjithashtu ka kritikuar atë që e cilëson si përpjekje të organizuar të strukturave të BDI-së dhe disa analistëve për ta nxjerrë të paprekur ish-kryetarin e partisë.
“Pa Ali Ahmetin, kjo strukturë ekzistuese e partisë do të shembej brenda natës, si një kullë prej letrash”, ka shkruar Qoku.
Në reagimin e tij, deputeti i VLEN-it pretendon se Ali Ahmeti mbetet figura kryesore që mban të bashkuar strukturën aktuale të BDI-së.
Komentet
Bëhu i pari që komenton.
