Komuna e Tetovës njofton të gjithë qytetarët dhe pjesëmarrësit në komunikacion se gjatë natës së sotme do të ketë kufizime të qarkullimit në një nga akset kryesore të qytetit.
Sipas njoftimit zyrtar, duke filluar nga ora 22:00, bulevardi “Bllagoja Toska” (drejtimi që shpie drejt lagjes Drenovec) do të jetë i mbyllur për qarkullim për shkak të realizimit të punimeve në teren. Në këtë pjesë do të bëhet vijëzimi i rrugës, një proces i domosdoshëm për rritjen e sigurisë në komunikacion si për këmbësorët, ashtu edhe për drejtuesit e automjeteve.
Autoritetet komunale apelojnë te qytetarët që gjatë orëve të natës të shfrytëzojnë rrugët alternative, me qëllim që të mos pengohet procesi i punës dhe të evitohen pritjet e panevojshme.
Kjo ndërhyrje vjen në kuadër të aktiviteteve të rregullta për mirëmbajtjen dhe sinjalistikën horizontale të infrastrukturës rrugore në qytetin e Tetovës.
