Çmimi i argjendit ka shënuar rritje të ndjeshme në tregjet ndërkombëtare, duke kaluar nivelin prej 81 dollarësh për ons për herë të parë që nga mesi i prillit.
Sipas raportimeve financiare, metali i çmuar është rritur me afro 5 për qind gjatë ditës, i nxitur nga rënia e çmimeve të naftës dhe pritjet për ulje të presioneve inflacioniste në ekonominë globale.
Analistët vlerësojnë se ulja e kostove të energjisë mund të ndikojë në zbutjen e politikave monetare nga bankat qendrore, gjë që ka shtuar interesimin e investitorëve për metalet e çmuara, përfshirë argjendin dhe arin.
Edhe ari ka regjistruar rritje, ndërsa tregjet po ndjekin nga afër zhvillimet mes SHBA-së dhe Iranit, pas raportimeve për përpjekje diplomatike që synojnë uljen e tensioneve dhe stabilizimin e tregjeve energjetike.
