Jurisprudenca në shqip! Shasivari: Po i numëroj ditët kur do të hiqet barriera 35-vjeçare

Ministri i Drejtësisë Jeton Shasivari ka takuar sot studentët dhe dekanët e fakulteteve juridike për të prezantuar zgjidhjen ligjore me të cilën do të mundësohet përfundimisht Provimi i Jurisprudencën në gjuhën shqipe.Para takimit, Ministri Shasivari tha se po numëron mbrapsht ditët kur do të hiqet barriera gjuhësore 35-vjeçare, e cila e mohonte gjuhën shqipe nga Provimi i Jurisprudencës.“Unë përllogaritjet i bëj me orë, në kuptimin që po numëroj orët dhe ditët kur do të hiqet barriera 35-vjeçare”, tha Shasivari.Provimi i Jurisprudencës në gjuhën shqipe mundësohet për herë të parë pas pavarësisë së shtetit. Edhe pse kishte 8 ministra shqiptarë të drejtësisë, asnjëherë nuk u morën me zgjidhjen e këtij problemi.